معلش الجو العام مع الحر والخنقه من استمرار الحظر المنزلي مأثر على الكل استعيني بالله وجددي العزيمه وربنا يفرجها ويوفقك 🌷🌷🌷
24 Jul 20 by member: Om habiba2020
|
متزعليش نفسك صدقيني انتي تقدري تعملي كدة واكتر انتي بس مستسلمة لحالة الضغط النفسي دي قاومي وهتقدري والله انا كنت كدة وعافرت لحد ما بدأت وخسيت وبقيت اشوف النتيجة صدقيني الفرحة هتخليكي تكملي وقتها ربنا يعينك ويقويكي يارب 💜
24 Jul 20 by member: SaHar M Ali
|
تاكدي بعد النفسية بيجي إرادة قوية اوي .. ربنا معاكي
24 Jul 20 by member: yoyoelshahed
|
أنا هقولك حاجة أنا عملتها وشجعتني.. أنا كنت بقول حرام إني عذبت نفسي كام إسبوع في الأكل عشان أخس وبعدين أتخنهم في يومين عك! الأكل الحمد لله موجود، حرمان كام شهر وهنرجع نأكل تاني زي ما نحب (بس طبعاً هنأكل سعرات مظبوطة عشان منتخنش).. إتفرجي طول الوقت على فيديوهات تحفيز وإن شاء الله هتلتزمي❤️
24 Jul 20 by member: malakmohamed2000
|
تسلمو بجد دعواتكم لان للأسف داخله في اكتأب بذات ان معنديش استعداد اتقبل شكلي ولا جسمي خالص
25 Jul 20 by member: بسمه بكر
|
ادي لنفسك فرصه و في الfree حاولي ميكونش كل أسبوع كل شهر او كل تلات اسبيع أحسن و و غير كدا أهم حاجه تدي لنفسك الفرصة إنك توصلي لحاجه و مفهاش حاجه لما نرجع خطوتين عشان نجري تمام ❤️❤️ ربنا يوفقك و توصلي للي انتي عيزه ❤️ و علفكره إنك تخسي او تثبتي ده معنة ان في تقدم مش شرط علي الميزان المهم الي انتي شيفه. تمام ❤️
25 Jul 20 by member: Abdelrhman Mohsen
|
انزلي امشي كل يوم على اد ما تقدري، مش لازم تعملي تمارين في البيت، المشى كفاية ومتوزنيش نفسك كل شويه، ممكن مره كل أسبوع أو أسبوعين علشان تلاقي فرق وتتشجعي
أنا لما بعمل تمارين في البيت الصراحة بتكسر لي جسمي كله وبستسلم عن الدايت من أول أسبوع 😂 لكن لما نزلت امشي، كنت بمشي ساعتين كل يوم ونزلت 10 كيلو في شهر أو شهر ونص بالكتير
25 Jul 20 by member: Mila Adam
|
بسمه جربي التلبينه الصحيه وهي من العلاج النبوي عن تجربه تذهب الحزن والاكتئاب بإذن الله وبتساعد على نزول الوزن استخدمتها في اللوكارب ⬅️ ملعقتان من الشعير المطحون يفضل بالنخاله مع كوب ماء ماء على نار 🔥 هادئه غليان ٥ ق وبعدها نضيف حليب كوب ممكن تستبدليه بحليب اللوز او الصويا لو في مشكله مع اللاكتوز ويترك على نار هادءه مع التقليب للوصول لقوام مناسب تحلى بسكر بديل وممكن تزينيها بالقليل من المكسرات بديله لوجبه فطور او عشاء وبالصحه والعافيه🌷 مع رياضه خفيفه او مشي وان شاء الله تصبحي افضل 🌷🌷
25 Jul 20 by member: Om habiba2020
|
معلش هو أنا إزاي اكتب بوست زي كدا ع البرنامج
25 Jul 20 by member: eman abd elrazek
|
تسلمو كلكم على كلامكم دا انا مش عارفه اصلا مالي ليا كام يوم اهو كويس الي حد ما بس بالليل لخبط الدنيا امبارح
27 Jul 20 by member: بسمه بكر
|
ادخلي صفحته و من علامه القلم و علامه الموجب اللي تحت عدد المتابعين
27 Jul 20 by member: بسمه بكر
|