16 Jul 24 by member: مودة ...
|
إمبارح لما كان نفسي في الكرواسون بالشيكولاته قعدت أصبر نفسي وقولت الفري مش بعيد جه وقت السحور جوزي جاب فينو وجبنه وجابلي جبنه قريش ... كلت جبنه قريش مع طماطم كسحور ودماغي بتفكر لسه في الكرواسون... قمت كلت 3 تمرات بزبدة فول سوداني وما ظبطت ... كلت أيس كريم فراوله وبرده ما ظبطت قبل الأذان بنص ساعه حسيت إني خربتها فقولت هجيب الكرواسون كده كده عكيت و روحت خليت جوزي ينزل يجيبلي واحده كرواسون الشيكولاته وبعده هديت .... فقولت هجرب التغذيه الحدسيه وأشوف إيه النظام
16 Jul 24 by member: .🧡ڤانيليا
|
16 Jul 24 by member: Norhan Fathy Yassen
|
لما يكون نفسك في حاجه اوي خدي منها حته صغيره عادي عقلك هيهدي من التفكير فيها
المعجنات بتشد الواحد اصلا
وبعدين جوزك يستحق جايزه علي ان نزل اشتري الفجر عشان خاطرك
16 Jul 24 by member: Eng.'Mohamed'
|
سمعت فيديوهات كتيرة لواحده لبنانيه إسمها كده ع اليوتيوب (أخصائيه تغذيه ضد الدايت) كلامها مقنع جداً بالنسبالي مش هعرف أشرحلك بالظبط ... بس مافيش حاجه ممنوعه ولا حساب سعرات ولكن بتقيسي نسبة الشبع والجوع عندك ومن خلاله تقدري تحددي جسمك عايز إيه وإيه الكميه المطلوبه لسد إحتياجاته .... بصي مش هعرف أشرحلك بالظبط ممكن تدخلي علي أسم القناة وتعرفي أكتر ..
16 Jul 24 by member: .🧡ڤانيليا
|
تمام يا فانيليتى 🥰😘🫰 تسلميلى يا قلبى هدور ف الموضوع🤓🤓
16 Jul 24 by member: Norhan Fathy Yassen
|
انتى كنتى اديتى مخك انذار ان خلاص مش هيهدا غير لمه ياكل كرواسون ف فضلتى عندك حاسه الجوع مهما تاكلى عايزه الحاجه دى ف لمه اكلتى هديتى ومخك خد اللى هو جاتله اشاره ب ربنا يعينك ويوفقك ويصلح حالك يارب اللهم امين
16 Jul 24 by member: amalmohamedsalah92
|
أنا مخي كان متوقف عن أي إشعارات أصلاً 😂
16 Jul 24 by member: .🧡ڤانيليا
|
16 Jul 24 by member: amalmohamedsalah92
|
انتي عارفه ياڤاني ان احنا بوظنا حدسنا الصحيح بالجوع والشبع بسبب الاكل العشوائي زمان العقل بعد التنظيم الغذائي الي بيسببه نظام ما بيبدء يسترد عافيته بمثل بسيط المدمن لما ميكملش علاجه صح وسبتيه يتبع حدسه واحساسه وميوله واشارات جسمه هيروح لايه اول حاجه 😢😢هيخربها ويرجع يدمن
ده مثال بسيط يدحض هذا النوع من الانظمه يصلح للجسم السليم تماما ولا يعاني سمنه او مقاومه انسولين او اي امراض متعلقه بخلل بالشهييه
وعموما بالتوفيق وجربي التجربه خير برهان ✋ده رأيي الشخصي 🌹🌹
16 Jul 24 by member: Om habiba2020
|
يافانيليا لما يكون نفسك ف حاجة كليهاااا دة مش نظام حرمان حتي لو سعرات عالية قللي ف باقي الوجبات وكلي الي نفسك فية ولو افترضنا انك هتعدي سعراتك ب ٢٠٠ ولا ٣٠٠ كالوري والله ماهتتخنو ياجماعة علشان تزيدي محتاجة الوفات فوق احتياجك اليومي والدليل علي كدة اني ف اي مناسبة او عيد انا بخربها والله باكل الاخضر واليابس بدون حساب ومش بوزن بعدها غير لما يعدي يومين تلاتة وبلاقي الميزان ثابت او نزلة كمان ولو الميزان اداكي زيادة بتبقي وهمية ماية مختزنة من اللخبطة ..خدي الامور ببساطة وانبسطي احنا هنعيش كام مرة
16 Jul 24 by member: ĎÒĐÝ
|
ده اللي قلتهولك وقتها
اسمي لاشارات جسمك وطالما نفسك في الحاجه اوي وليكي رغبه ليها خديها بس كميه صغيره لان بكده هتكوني لبيتي رغبه جسمك للحاجه دي ومش هتفكري فيها
16 Jul 24 by member: ام نوح 2024
|
كلامك صحيح يا أم حبيبه والمقصد هنا مش إني أخربها لأ
المقصد هنا إني هاخد من اللي نفسي فيه ومش هحدد لنفسي عجز معين من السعرات وما ينفعش أتخطاه كده كده أنا عامله عجز محترم فاليه يبقي عجز وحرمان 🤔🤦🏻♀️
17 Jul 24 by member: .🧡ڤانيليا
|
هعمل كده يا دودي المشكله إني مش هتقيد تاني ✌🏻
17 Jul 24 by member: .🧡ڤانيليا
|
والله يا أم نوح أنا زي ماقالت أم حبيبه حدسية أجسامنا باظت فكتيير مش بثق فيها النفس أمره بالسوء وعايزه تعك ع الفاضي وعالمليان فبخاف أعك ... فبعك أكتر ... ربنا يقوينا بقي .... عشان التقييد أصلاً ومراقبة أكلي كل يوم عشان أخس وبعدها هيبقي لايف ستايل ده موترني جداً 💔
17 Jul 24 by member: .🧡ڤانيليا
|
في الأساس كنت ماشيه بنظام 20/80 ولكن ضيقتها علي نفسي شويتين فهرجع للنظامي ده مع النظام الحدسي مش هلزم نفسي بمواعيد أكل من غير ما أكون جعانه وهاكل أكل صحي ولو نفسي في حاجه وماعرفتش أبطل تفكير فيها هخدها ومش هعرض نفسي للي حصل من يومين
17 Jul 24 by member: .🧡ڤانيليا
|