Sha Ali's Journal, 24 Feb 21

نفسي اعالجة بقالي سنين جربت كل حاجة طبيعية او ادوية واشرب ميه كتير و باكل الياف كتير في الخضروات لكن الامساك مش بيخف نهائي  

نفس حالتى فعلا وحتى لما سمعت عن السنامكى ختوا بس كتروا غلط وانا مش عيزة حل مؤقت عايزة حل نهائي.... تعبت جدا  

كلى ألياف كتير هى اللى بتمنع الامساك اى حاجه فيها ألياف زى البرتقال واليوسفى الخضروات الورقيه مليانه ألياف الحبوب بردو تنفع فى الامساك واشربي ميه كتير بردو. 

الراوند والحلبه والسميكا المضغ الجيد السلطه والالياف وشرب الماء جيدا  

أضيف على كل ما سبق الحركة، الحركة مهمة جدا لعلاج الإمساك، والرياضة مهمة جدا... لو الإمساك شديد فكمية الخضار الورقي اللي هتحتاجيه في البداية هتكون كبييييييرة جدا.. اكتر حاجة للإمساك الخس بمختلف أنواعه والكرنب، بس ممكن تحتاجيه خسة في اليوم يعني بتاع 200 جرام خس أو كرنب، مع الوقت الموضوع هيتحسن... والمياه احسبي بالظبط وزنك محتاج قد ايه، وزودي شوية عليه، مثلا كوب، خصصي زجاجة لك، عشان تعرفي شربت قد ايه يوميا، أو نزلي تطبيق وحطي عدد أكواب الماء اللي شربتها... طبعا اي شيء مدر للبول (شاي، قهوة ينسون، عصير برتقال.....) كل كوب منه أمامه كوب ماء زيادة عن الطبيعي بتاعتك.  

ابعدي عن المخبوزات والدقيق والسكر لأنها بتزود الإمساك.. وفي أكلات معروف إنها بتعمل إمساك زي الجزر التفاح الموز البطاطس، بردو نبعد عنها تماما...  

طيب ابعد عن المخبوزات والدقيق ازاى ايه بدائلهم المتاحه انى الاقيها فى اى سوبر ماركت وتكون فعاله او اعملها فى البيت وتكون سهله  

أي عيش مصنوع من القمح الكامل سواء بلدي أو فينو أو توست، بيسموه ساعات عيش بني. أي عيش معمول من الشوفان، أو العدس أو أي حبة كاملة، لأنها غنية بالألياف اللي هتعالج الإمساك بإذن الله  

حقيقى انتوا مثال الاصدقاء وقت الضيق Thnx a lot💕💕 (✿ ♥‿♥)